Ich habe bei Dani‘s Fahrschule sehr gute Erfahrungen gemacht. Dani ist sehr geduldig und erklärt sehr gut. Er hat viel Erfahrung und grosses Fachwissen und ist sehr hilfsbereit.

Hoi Dani

Du bisch en fantastische Fahrlehrer und meh ha dich nur witer empfehle. Ich han hüt mini praktischi Prüefig bestande, will du mir mit dinere ruhige und fründliche Art alles bibrocht hesch. Danke defür!

Heyy Dani :))

Aso ii muess säge, ii bi immer gern id Fahrstond cho. Du hesch mech mit dinere kompetente, gedoldige und humorvolle Art super of d Autoprüefig vorbereitet, (und mer s Autofahre eigentlech vo Grond uuf biibrocht.) Dassi bim erste Mol gad dor d Prüefig chom verdanki der und es isch au es Zeiche, dassd dini Arbet guet gmacht hesch!

Ii ha d Fahrstunde immer guet gfonde! Ii ha mech jedes Mol of die interessante Lektione gfreut und au gwösst, dass es kei komischi Stilli git, will mer immer öppis zom schwätze gha hett. Muess aso säge, s Autofahre aber au s Zwöschemönschleche hesch du total im Griff.

Danke viel viel Mol för Alles! Ii wird dech sicher wiiterempfähle und d Fahrstunde vermisse!

P.s. Ii fahr immernoni gern längeri Streckene röckwärts, aber deför chanis jzt richtig 😉

Gaaanz liebi Grüess vode Melanieeeee :))

Hallo

Ich han vor guet eim jahr mini Fahrprüefig grad nachem erste mol bestande und ben sither ohni unfall dur de verkehr cho 😀

D fahrstunde bem Dani sind eifach super gsi, er blibt immer sehr ruhig, isch fründlich und bringt eim d informatione sehr guet übere uf sim tolle ipad😜. Und er het mich sogar jedes mol diheime vor de Huustüre abgholt 🙂

Er het mer au bibrocht dases viel unvorsichtigi fahrer uf de stross het und das mer dementsprechend ufmerksam söll fahre au jahre nach de prüefig. Das hani sehr schnell gmerkt sitdem ich allei uf de strasse unterwegs bin.

Wiiterhin viel Erfolg Dani! Lg Roan

Hallo Daniel

Ich bedanke mich herzlich bei Dir für Deine Unterstützung während all den Fahrstunden. Deine Geduld, Deine ruhige Art, Zuverlässigkeit und die professionellen Instruktionen haben es mir ermöglicht kontinuierlich Fortschritte beim Autofahren zu erzielen. Ohne Deinen tatkräftigen Support wäre ich nicht dort hingekommen wo ich heute bin und dafür bin ich Dir sehr dankbar. Alles Gute wünsche ich Dir und bis hoffentlich bald einmal. Liebe Grüsse. Lukas

Sali Dani

Nach em erschte Mal im Auto sitze, hett ich aso nie im Läbe dra dänkt, dass Autofahre mal so Spass chan mache und dass ich dänn grad au no d’Autoprüefig bim erschte Mal bestahne! Aber dank dir hät die ganzi Sach beschtens klappet und dadefür wett ich der namal ganz herzlich danke säge!

Sonen nette und geduldige Fahrlehrer näbed eim uf em Biifahrersitz z ha, bringts ebe scho 🙂 Ich bin immer gern mit dir go umekurve, wills amigs eifach witzig gsi isch! 🙂

Wiiterempfehle wird ich dich uf alli Fäll, häsch dini Sach super gmacht! Würd mal säge, wirsch mini beide Brüedere au mal no z’Gsicht becho 🙂

Mach wiiter so, gueti Ziit und mer gseht sich!

Liebi Grüess, Sarah

P.S. Obwohl s’Rückwärtsfahre nöd min beschte Fründ gsi isch, bini aso gottefroh, hämmer das so oft gmacht, hans nämlich geschter ganzi zweimal müese aawände ,-)

Hoi Dani

En letschter zyt semmer metenand omekurvt ond du hesch mer met dinere ruige ond sympatische art s autofahre bibrocht. D fahrstonde send emmer

abwächsligsrich gsi ond du hesch mech sehr kompetent en strosseverkehr igfüehrt. Es esch en mega gueti zyt gsi! Ich tue dech sehr gärn wiiterempfähle … em strössli ond au soscht!

Nomol härzleche dank ond mer gseht sech.

Fabian

Hei Dani 🙂

D Empfehlig vo minere Schwöschter ond anderne Persone het sich eidüütig bewährt. Yey, 1x ond ich han die Prüefig em Sack gha 🙂 ! Ich glaub wörklich, dass du eine vo de Beste besch omenand! Emmer ruhig, geduldig ond zueverlässig hani dich ede Fahrstonde empfunde. Gschumpfe hesch höchschtens mal über anderi Verkehrsteilnehmer oder über die vele Boustelle 😉 Wiiterempfehle werd ich dich of all Fäll, de Tipp döf mer niemertem vorenthalte 🙂

Mer gseht sech velecht mal of de Stross 🙂 Witerhin no ganz e gueti Ziit!

GLG

Jolanda

Hoi Dani

Ich möcht dir no danke für dini Geduld, Rueh und eifach die super Fahrstunde. Hei bim erschte mal düre cho. Das hani vorallem dir zverdanke. Bin froh döfi jetz elei uf d strass, aber isch eifach perfekt gsi.

DAAAANKEEEE!!!!!!!

E gueti und schöni Ziit, und vorallem wiiterhin vil Geduld…

Liebi Grüess

Natanja

Sali Dani

Du gesch eim e gwössi sicherheit bem fahre, ned nur weg de brems uf de biifahrersiite. Ehner weg dinere starche persönlichkeit und dine tipps und tricks, wo mer i schwere situatione cha awände. Du besch eine wo spass het a sinere arbet. Dur das hesh mich immer chönne motiviere und mer gholfe, mis ziil schneller zerreiche.

Viele dank Dani, für dini tolli art als mensch und fahrlehrer, dank dir han ich mini prüefig bestande!

Ned zvergesse: DANIS FAHRSCHULE IST DEINE FAHRSCHULE !